៦៥- សទ្ធាជូនជំនូនកម្ម

សទ្ធាជាទ្រព្យល្អលើសអ្វីៗ                     នាំជនប្រុសស្រីឱ្យប្រព្រឹត្តល្អ

បើមានតែទ្រព្យសទ្ធាទ័លក្រ                  មាសប្រាក់ទាក់ក រកចាយពុំបាន។

រដូវភ្ជុំបិណ្ឌតែងតែទៅវត្ត                      ទោះជាក្រខ្សត់ក៏ឥតហ៊ានខាន

ទោះបាយមួយវែកសម្លមួយចាន             ទៅវត្តឥតខានដ្បិតខ្លាចញាតិជេរ។

ឧទ្ទិសឱ្យប្រេតប្រុងខ្លួនផងទៅ                 កុំឱ្យធ្លាក់ផ្លូវទៅប្រេតដូចគេ

ស្លាប់ទៅជាប្រេតពុំអាចដឹងទេ                តែខ្លាចជាងគេគឺប្រេតទាំងរស់។

កម្មធ្វើចំណារចារជាជំនូន                     សម្រាប់ទុកជូនសត្វលោកទាំងអស់

សាងល្អបានល្អជួបសប្បុរស                  ពុតពាលឥតស្មោះជួបទុក្ខគ្រាំគ្រា។

បើជួបបណ្ឌិតពិតបានស្តាប់ធម៌              ប្រុងស្តាប់ដោយល្អនាំកើតសទ្ធា

ជឿហេតុនៃផលបានដល់បញ្ញា              ជីវិតថ្លៃថ្លាឥតអាប់រស្មី។

ដោយឧបាសក គុយ   សុធន

(សៀវភៅជំនួយសតិភាគទី ៧ ទំព័រ ២១៩)